Խելացի ծաղկաման

Նկարագրություն

Ստորև ներկայացված է մի նախագիծ, որի օգնությամբ կարելի է ավտոմատ եղանակով ստանալ տվյալներ աՃեցվող բույսի վերաբերյալ, ինչպիսիք են՝ հողի խոնավությունը, օդի ջերմաստիճանը,օդի խոնավությունը և լուսավորվածությունը։ Նախագիծը հնարավորություն է տալիս սահմանել նվազագույն խոնավություն, ջերմաստիճան և լուսավորվածություն, որոնք ավտոմատ կերպով կպահպանվեն սարքի օգնությամբ։ Սարքի աշխատանքի սկզբունքը հետևյալն է․ երբ վերոնշյալ ցուցանիշներից մեկը անցնում է օգտագործողի կողմից սահմանված շեմը, սարքը ռելեների օգնությամբ միացնում է համապատասխան՝ տաքացնող, լուսավորող կամ ջրող սարքը։ Հնարավոր է օգտագործել ինչպես սկզբնական, այնպես էլ լրացուցիչ սահմանված (օգտագործողի կողմից) ցուցանիշները, ինչպես նաև ցանկացած պահի կարելի է բերել սկզբնական հատկանիշների (RESTART): Այդ ամենը իրականացվում է սեղմակների և անալոգային պտուտակի օգնությամբ։ Քանի որ սարքի հիմնական ֆունկցիան ջրելն է, այդ իսկ պատճառով ստուգվում է նաև ջրի առկայությունը և ջրի բացակայության դեպքում տրվում է ձայնային ազդանշան և հաղորդագրություն։ Համապատասխան հաղորդագրություններ են տրվում նաև մնացած տվիչների խափանման դեպքում, որպեսզի խուսապենք գերտաքացումից, լճացումից և այլ դեպքերից, որին կհանգենք սարքի ոչ ճիշտ աշխատանքից։

Կառուցվածք

Նախագիծը մշակվել է Արդուինո (Arduino) ծրագրային միջավայրում և օգտագործվել են մի շարք տվիչներ, որոնց ցանկին և նկարագրությանը կծանոթանանք ստորև։

• 1x Arduino Uno R3
• 1x Moisture Sensor v1.2
• 1xDHT11
• 1x Display LCD 1602 I2C
• 1x Potentiometer
• 3x Relay 5V
• 1x Pump DC 5.5-12V
• 1x Photoresistor
• 1x Լուսավորող սարք,
• 1x Տաքացնող սարք,
• 1x 5 Վ սնուցման աղբյուր
• Անհրաժեշտ են նաև լարեր միացումների համար։

Նշված տվիչների մանրամասն նկարագրությունները կարող եք գտնել անցնելով հղումներով։ Հաջորդ քայլում պետք է նշված տվիչները միացնել Arduino R3 սալիկից որպեսզի կարողանանք նրանցից ստանալ տվյալներ և օգտագործելով ստացվածը, իրականացնել նախագծի աշխատանքը։ Միացման սխեման պատկերված է հետևյալ գծապատկերում։

Ծրագրավորում

Ունենալով տվիչների շղթան միացված Arduino սալիկին պետք է գրել ծրագիր, որը տվիչներից կկարդա անհրաժեշտ տվյալնեը և այդ տվյալնները օգտագործելով կիրականացնի որոշակի գործողություններ։ Օրինակ չափելով հողի խոնավության աստիճանը, պետք է այն համեմատի մեր կողմից սահմանված մինիմալ խոնավության հետ և հարկ լինելու դեպքում ռելե կարգավորիչի օգնությամբ միացնի ջրի պոմպը որպեսզի ապահովվի պահանջված խոնավության չափը։ Նույն սկզբունքով կարգավորվում է լուսավորվածությունը և ջերմաստիճանը։ Բոլոր տվյալները արտածվում են էկրանին, որպիսզի հնարավոր լինի տեսնել ընթացիկ տվյալները։ Յուրաքանչյուր տվիչի աշխատանքը իրականացնելու համար պետք է ներբեռնել և օգտագործել համապատասխան գրադարանը։ Ծրագում օգտագործվելու են հետևյալ գրադարանները՝

• <Wire.h> -հողի խոնավության տվիչի աշխատանքի համար,
• <dht.h> - օդի ջերմաստիճանի և խոնավության տվիչի համար,
• <LiquidCrystal_I2C.h> - LCD Էկրանը 4 միացումով օգտագործելու համար։

Այժմ դիտարկենք ծրագրի կոդից հատված․

lcd.setCursor(0,0);
   lcd.print(" Fab Lab Dilijan");
   lcd.setCursor(2,1);
   lcd.print("v.davtyan007");
   delay(2000);
   lcd.clear();
if(valH<minH && minH<90 && vijak)
  {
    lcd.setCursor(3,0);                          
    lcd.print("\2");                
    digitalWrite(rel,HIGH);
    delay(5000);
    digitalWrite(rel,LOW);
    delay(100);
    k=0;
    lcd.setCursor(3,0);                          
    lcd.print(" ");     
  }

Ծրագրի ամբողջական տարբերակը կցված է նյութին։ Նյութին է կցված նաև միացման սխեման՝ իրականացված Fritzing միջավայրում և օգտագործված գրադարանների արխիվային տարբերակները։ Կցված Է նաև լազերային հատման միջոցով իրանի պատրաստման պատրաստի ֆայլը։

Աշխատանքի արդյունքը

©ՖԱԲ ԼԱԲ Դիլիջան 2021թ․